Во октомври годинава, продажните цени на производителите на индустриски производи се пониски за 0,4 проценти на месечно ниво, а за 5,5 проценти на годишно ниво, објави Државниот завод за статистика.
Во октомври во однос на истиот месец лани, продажните цени се пониски во секторите рударство и вадење камен за 8,9 проценти, во преработувачката индустрија за 5,5 проценти, а во снабдување со електрична енергија, гас, пареа и климатизација за 2,7 проценти.
На странските пазари, продажните цени се пониски за 0,9 проценти на месечно ниво, а за 6,7 проценти на годишно ниво. Во споредба со октомври лани, продажните цени на странските пазари се пониски во секторот рударство и вадење камен за 12,9 проценти, а во секторот преработувачка индустрија за шест проценти.
