Општина Прилеп започна со масовна акција за чистење на каналот на Дабничка река од потегот Оревоечка река, до мостот кај касарните.
Досега комплетно е исчистен потегот до мостот кај типската населба. За две недели ќе се исчисти коритото и до мостот кај касарните, а екипите на приватната фирма „Пела“ користејќи ја есента ќе продолжат со чистењето и во делот на реката во населбата Тризла.
Според Градоначалникот Марјан Ристески, со ваквиот потег на Владата на РМ која донираше 12 тони нафта и со инвестиција од милион и двеста илјади денари средства обезбедени од ЕЛС Прилеп, ќе се оспособи коритото за проток на истечни води пред претстојните дождови.