Централната банка на Шведска ја остави без промена својата основна каматна стапка на кредитирањето и се воздржи од зголемување на програмата за откуп на обврзници, со обложување дека скок во растот ќе даде поттик на економијата по 3-годишната нулта инфлација.
Шведските централни банкари ја задржаа својата основна каматна стапка на рекордно дно од -0,35%. 12 од 17-те анкетирани од „Bloomberg“ аналитичари не очекуваа дека ќе има промени. Останатите експерти предвидоа дополнително намалување на стапката. Институцијата ги задржи очекувањата за развојот на економијата и обемот на програмата за откуп на средства. Шведската круна поскапе за 0,4 отсто до 9,286 за едно евро непосредно по објавувањето на одлуката.
„Развојот на шведската економија е малку подобар од очекуваното и покрај континуираната несигурност во глобалната. Постои тренд на пораст на инфлацијата, која минатата година се уште не беше стапнал на цврста основа“, посочија од банката.
Најавени се невидени мерки за заживување на инфлацијата, намалувајќи ги стапките до негативно ниво и стартување на програмата за откуп на државни обврзници. Тие беа принудени да дејствуваат за да го задржат релативно нискиот курс на круната, кој порасна по дејствијата од страна на Европската централна банка, претходно овој месец.
Централната банка на Шведска цели на инфлација од околу 2%. Според прогнозите на економистите на банката целта ќе биде постигната во првата половина на 2017-та година.
Историските мерки предизвикаа критики од страна на некои аналитичари. Цените на куќите се зголемија повеќе од двојно во последните 10 години. Шведската економија пак се забрза со раст од 3,9% на годишна основа во третиот квартал. Невработеноста во моментов е околу најниското ниво од 2009-та година.
