Директорот за човечки ресурси на најпосакуваната компанија за работа „Google“, Ласло Бок секоја недела вработува 100 нови лица. Тој ги петстави своите методи кои ги користи при оценување на кандидатите и истакна што е тоа што мора да го направите за да му се допаднете на работодавецот.
Поентата е во она што знаете да го работите – Супер е ако имате диплома од факултет, но не го истакнувајте факулетот, туку истакнете го она што знаете да го работите.
Понекогаш потребно е да бидете упорни – Никогаш не одете по полесниот пат, сите ги сакаат луѓето кои се подготвени за предизвици и оние кои го избираат потешкиот пат.
Бидете запознаени со основите – Првите работи кои ги истражува Ласно се когнитивните способности на учењето и решавањето на проблемите, мора да ги познавате основните работи и да имате способност за брзо учење.
Креативноста е супер, но не е доволна – Луѓето природно се креативни, но доколку го споите креативното и логичното сигурно дека ќе се издвоите од останатите.
Претставете се подобро од другите – Повеќето луѓе ќе напишат „Пишував статии за Њујорк Тајмс“. Но, подобро е да напишете, во претходните три години напишав 50 статии во споредба со просечните 20 кои ги напишаа останатите новинари, истакнете го вашиот квалитет во однос на другите.
Бидете искрени и такви какви што сте – Финалниот трик на разговорот е вашите мисли да бидат кристално јасни и вие да ги искажете онакви какви што се. Повеќето луѓе не го кажуваат јасно она што го мислат и се преправаат со цел да остават подобар впечаток, тука прават грешки и го нарушуваат мислењето на работодавецот.
