ЕБОР ќе ги разгледа резултатите од стратешката еколошка проценка на кумулативните влијанија на сите планирани развојни активности на територијата на Националниот парк Маврово, при донесувањето на одлуката за финансирање на проектите за хидроцентралите во паркот.
Во ноември 2011, Бордот на директори на ЕБОР, одобри 65 милиони евра кредит на ЕЛЕМ, за изградба на хидроцентралата Бошков мост во Националниот парк Маврово, во случај проектот да ги задоволува сите применливи еколошки услови и стандарди.
„Немаме направено никакво префрлување на средства“, велат од ЕБОР.
Од таму додаваат дека ЕБОР целосно ги прифаќа препораките на Заседавачкиот комитет на Бернската конвенција, поврзани со Националниот парк Маврово во Република Македонија.