Компанијата „Airbnb“ го заврши новиот круг на финансирање во вредност од 1,5 милијарди долари, според официјалните документи на Комисијата за хартии од вредност и берзите во САД.
Веќе во јуни „Wall Street Journal“ објави дека компанијата започна да собира средства, а предметниот круг може да ја процени на 25 милијарди долари, пишува „Re/code“.
Прибирање на средства ја прави „Airbnb“ третата највисоко оценета приватна технолошка компанија во светот по „Uber“ (62,5 милијарди долари) и кинескиот производител на смартфони „Xioami“ (45 милијарди долари).
Се тврди дека меѓу клучните инвеститори во новиот круг се „General Atlantic“, „Hillhouse Capital Group“ и „Tiger Global Management“, кои заедно држат една третина од продадените акции на „Airbnb“.
Компанијата бара огромни суми и ја одлага примарната јавна понуда, бидејќи сака да инвестира средствата во пазарите во развој во целиот свет, особено во Кина. Компанијата е зафатена со решавање на споровите со властите во некои од заситените пазари, како Сан Франциско и Њујорк.
За време на „Code Conference“, претходно во оваа година, извршниот директор на „Airbnb“ Брајан Чески изјави дека ИПО-то на компанијата ќе се случи за неколку години.
Од „Airbnb“ одбиваат да го коментираат прашањето за финансирањето.
