Сознанието дека луѓето лажат на работното место звучи прилично грубо.
Сепак, тоа е општествено прифатливо однесување кое во реалниот живот не предизвикува негодување.
Се чини дека повеќето луѓе на работа глумат и лажат и тоа се смета за нормален облик на однесување. Додека на работното место обилно ја користат лагата, во приватниот живот ќе бидат многу искрени. Иако, на прв поглед тоа делува неприфатливо, всушност зборуваме за често и нормално однесување.
„Причината за лажењето на работа е тоа што луѓето во животната средина која е исполнета со „странци“ сакаат да се претстават во најдобро светло. Затоа оние емоции кои ги искажуваме дома, не ги кажуваме и на работа бидејќи тоа не се смета за социјално прифатливо однесување“, објаснува д-р Јохансен Абелер, еден од научниците кои работеа на ова истражување.
