Американската бонитетна агенција „Standard & Poor’s – S&P“ го зголеми за еден степен кредитниот рејтинг на Шпанија на „BBB+“, поздравувајќи ги успешно спроведените економски реформи на владата во Mадрид.
Ваквата одлука е донесена еден ден откако актуелниот шпански премиер Mариано Рахој најави нови парламентарни избори за 20-ти декември оваа година, пренесува АФП.
„Шпанската економија имаше корист од двата круга реформи на пазарот на труд спроведени од 2010 година“, се наведува во извештајот на агенцијата.
