Тим на Меѓународниот монетарен фонд (ММФ) предводен од новиот шеф на мисијата во Македонија, Јесмин Рахман, од денеска па во наредните две недели ќе прави годишен преглед на македонската економија.
Рехман доаѓа на местото на Ивана Владкова Холар.
Тимот на крајот од мисијата ќе објави прелиминарни заклучоци, а ќе изготви и целосен извештај што ќе се дискутира на состанок на Извршниот борд на ММФ на датум што ќе биде дополнително определен.
Овие проверки се дел од редовните набљудувања на Фондот на сите свои 118 земји членки.
