Грција и Организација за економска соработка и развој (OECD) се договорија околу изработката на планот за реформи за обновување на растот во земјата, изјави во средата грчкиот премиер Алексис Ципрас.
„Комисијата за соработка е изработи договор за реформите коишто ќе го обноват растот. Таа соработка нема да се остварува врз основа на овна што е претходно договорено (односно плановите за помош од меѓународните доверители), туку на темелите на она што е најавено во говорот за генералната политика“, изјави грчкиот премиер Алесис Ципрас по средбата со генералниот секретар на ОЕCD, Ангел Гуриа.
„Разговаравме со Гури за фактот дека имаме заеднички цели и дека можеме да соработуваме“, додаде Ципрас по едночасовниот разговор со челникот на ОECD.
„Тука сме да работиме со и за Грција, не сме тука за да и’ кажеме на Грција што мора да работи, туку дека да и’ дадеме алатка која ја користеа другите влади во решавањето на истите проблеми“, истакна Гуриа. Додаде дека Грција „може да смета на OECD во примената на програмата за реформите“.
