Во рамки на заложбите на компанијата АрцелорМиттал Скопје да биде компанија која постојано се грижи и придонесува за подобрувањето на условите во животната средина, се приклучи во овогодинешната есенската акција „Ден на дрвото, засади ја својата иднина”, која се одржа денес во дворот на фабриката.
Засадувањето на садници бреза беше реализирано од страна на сите вработени во компанијата меѓу кои и извршниот директот Г-дин Јуан Педро Јименез Наварро.
Оваа акција ја поддржа и градоначалникот на општина Гази Баба г. Тони Трајковски.
Како и сите досегашни акции по повод „Ден на дрвото“, компанијата АрцелорМиттал Скопје во целост ја поддржува и учествува во активностите и на оваа Есенска акција што се одвива под мотото „Стоп на катастрофите.“
Во тие рамки засадувањето млади садници во дворот на нашата фабрика ќе претставува придонес кон напорите Општината Гази Баба, а со тоа и градот Скопје да се развива, пред се, како одржлива здрава животна средина.
„Очекуваме дека со засадувањето и растење значајно ќе се оплемени околината околу нашата фабрика, што значи и разубавување на пејсажот, но и подобрување на воздухот и биодиверзитетот во околината“, порача Јуан Педро Јименез Наварро, извршниот директор на АрцелорМиттал Скопје.
