Федерацијата на фармери на Република Македонија и Ветеринарната комора на Република Македонија денеска ќе потпишат меморандум за соработка.
Со меморандумот ќе се формализира соработката помеѓу двете организации во насока на унапредување на сточарството и ветеринарното здравство, преку полесно справување со предизвиците со кои се соочуваат сточарите и ветеринарите.
Меморандумот ќе го потпишат Андрија Секуловски, претседател на ФФРМ и Томислав Николовски, претседател на Ветеринарна комора на Република Македонија.
