Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

ALK 7,650.00 0.02%    BESK 9,991.00 -3%    GRNT 824.02 0.32%    KMB 3,152.12 0.17%    MTUR 4,250.00 1.19%    OHB 5,200.00 4%    OKTA 3,111.00 -8.96%    RMDEN16 94.40 0%    RZUS 113.00 9.51%    SLAV 6,100.00 95.89%    STB 960.00 1.65%    STIL 151.56 0.58%    TIKV 153.00 -2.55%    TKVS 3,202.00 1.72%    TNB 13,228.04 0.22%    TTK 951.17 1.04%    UNI 2,000.00 0.03%    ZPKO 2,710.00 4.23%    

КОЛУМНА: Отвори го пенџерчето, се задушивме – М-р Раде Чоловиќ

Време: 10:25

Датум: декември 18, 2017

Категорија: КОЛУМНИ

Не, не го отворајте пенџерчето, прозорецот, балконската врата, не излегувајте од дома и така нема да дишете штетни ПМ честички. И проблемот е решен.

Луѓе да се освестиме, ова со воздухот е далеку од зафрканција и што е лошо, трае. Слушам еден градски татко ќе имал отворен ден или веќе како да го наречам, за собирање на идеи за намалување на загадувањето. Алелуја градоначалниче, каква оригинална идеја. Па има ли во државава министерства, трудови инспекции, синдикат, институт за јавно здравје ….?

Власта не е само да дава популарни решенија туку добри и навремени решенија. Се труеме секој ден, воздухот смрди, сите сме болни или ќе се разболиме од ПМ честичките. Кога зборувам за загадувањето не мислам само на Скопје, тука се и Тетово, Битола и другите поголеми градови во Република Македонија.

Иако не сум експерт ќе кажам најмалце три причини за аеро загадувањето: 1. Покрај дрва и ќумур, за огрев се користи што ти не; 2. Се увезоа и се увезуваат најголемите ѓубриња од автомобили, автобуси, камиони и слично од Европа и се возат кај нас; 3. Се градеше и се гради кај треба и кај не треба, па нема провев.

Од друга страна, не сум човек кој само кука туку се трудам секогаш да предложам и некои решенија. Добри или не, времето ќе покаже. Како краткорочни мерки, кога концентрацијата на штетни честички во воздухот ќе е над минимално дозволената, треба ВЕДНАШ:

  • Да има прекин на наставата,
  • Трудниците и хронично болните веднаш да се ослободат од работа,
  • Да се испрска маглата (кога ја има) со некое средство и таа да се претвори во дожд,
  • Да се воведе ограничување во сообраќајот како на пример пар-непар или во време од 9 до 14 часот низ градските улици да движат само такси возилата, јавен превоз, пожарна, брза помош, полиција и армија,
  • Градскиот превоз да е бесплатен за сите,
  • Достава на роба до продавници, само во период од 00 до 05 часот,
  • Да има мобилни екипи кои на лице место ќе можат да ја измерат емисијата на штетни материи во издувните гасови на возилата. Тие што ќе се над дозволеното веднаш да се исклучат од сообраќај или да платат казна од 1.000 ЕУР,
  • Да се прекинат сите градежни зафати и на станбени и деловни објекти,
  • Инспекции да се нон стоп на терен и да се проверува кој и што користи како огрев и гориво за производство.

Како долгорочни решенија:

  • Гасификација, гасификација, гасификација
  • Да се направат топлани и граѓаните да се субвенционираат и мотивираат да се приклучат на централно греење,
  • Да се забрани увоз на возила постари од 5 години,
  • Да се подобри јавниот градски превоз,
  • Да се направат (засадат) зелени ѕидови на фасадите на зградите кои ќе го прочистуваат воздухот,
  • Ако се знае дека најголемото загадување е во Ноември и Декември да се помести зимскиот распуст или да има повеќе распусти, а да се продолжи учебната година до 1 Јули,
  • Во денови на преголема загаденост да се овозможи учениците да ја следат наставата од дома преку снимени предавања или on line во живо предавања преку интернет,
  • Да се предвиди законско решение или во колективните договори да се предвиди можност за така наречени home office односно работа од дома,
  • Mаксимално да се користи зелена (обновлива) енергија за производство на топлина и електрична енергија,
  • РЕК Битола, ТЦ Осломеј и ТЦ Неготино да користат природен гас како енергенс,
  • Електрични автобуси во јавниот градски превоз,
  • Да се субвенционира набавката и користењето на електрични автомобили,
  • Локален економски развој,
  • Да се гради плански и одговорно,
  • Во Скопје, да се прогласи 5 годишен мораториум на изградба на нови станбени згради.

Понатака, ај и ние граѓаните малце да бидеме посовесни. Наутро во автомобилите ретко може да се видат повеќе од двајца. Да користиме повеќе јавен превоз и велосипеди во сообраќајот и да се движиме повеќе пешки. Апелирам, пратениците и министрите како пример да користат јавен превоз за до и од работа. Мислам дека за сите нас важи дека е  лицемерно да бараме акција од државата, а ние сами не ја смениме нашата свест и не делуваме за намалување на загадувањето.

Македонци, албанци, срби и други, левица, десница, центар, да не правиме политика таму каде што ја нема и каде што не смее да ја има. Да го подобриме воздухот затоа што немаме друга алтернатива за дишење. Или, една третина ќе се иселиме од државата, една третина ќе испоумреме од загадувањето, па третината што ќе остане нека си биде власт и опозиција сама на себе.

Што ќе биде, а?

М-р Раде Чоловиќ

КОМЕНТАРИ

НАЈНОВО ОД КАТЕГОРИЈАТА

  • Tip of the week: Пасивна продажба

    Tip of the week: Пасивна продажба

    Како моја професионална деформација, многу често знам кога шетам по продавници, ресторани, кафулиња или други услужни места, да го набљудувам и  да го следам продажниот…

  • Tip of the week: Пред да кажеш нешто…

    Tip of the week: Пред да кажеш нешто…

    Пред некој ден налетав на една слика на која пишуваше: Пред да зборуваш, размисли… Дали е вистина?! Дали е од помош?! Дали е инспиративно?! Дали…

  • Tip of the week: Набрзинка

    Tip of the week: Набрзинка

    Ајде… Сега… Веднаш!! Нестрпливи сме! Сакаме да се случуваат работите сега и веднаш. Но, не оди тоа баш така. Да, може нешто да се случи…

  • КОЛУМНА: Среќна Нова 2018 Година – М-р Раде Чоловиќ

    КОЛУМНА: Среќна Нова 2018 Година – М-р Раде Чоловиќ

    Почитувани читатели на Денар.мк би сакал да ве известам дека завршувам еден циклус од 10-тина колумни. Се надевам дека ви беа интересни или во најмала…

  • Tip of the week: Нова година

    Tip of the week: Нова година

    Пред некоја година,  во еден весник имаше изјави од повеќе луѓе за тоа кои се нашите прогнози околу економските случувања за следната година. Меѓу другите…

  • Tip of the week: 24 часа до успехот

    Tip of the week: 24 часа до успехот

    Феноменот “последен ден” е многу интересен. Нема уште многу време! Дали ќе успеете или не, зависи до каде сте со остварувањето на целите. Еве, на…

  • Tip of the week: Пауза!

    Tip of the week: Пауза!

    Не знам каде ми е главата!!! Нели така велиме кога сме преокупирани со активности, обврски (работни, приватни), проекти, кампањи или кога кажуваме дека „немаме време”?!…

  • КОЛУМНА: Предстечајно решение – Санатор

    КОЛУМНА: Предстечајно решение – Санатор

    Во една од претходните колумни кога пишував за кредитниот мораториум, пишував и за така нареченото стручно тело кое треба да биде еден вид предстечаен управник…

  • Tip of the week: Поддршка на проект или акција

    Tip of the week: Поддршка на проект или акција

    Сигурен сум дека поголемиот број од вас знаат, но за тие кои не знаат, од неодамна го лансиравме концептот за интернационализација на Прирачникот „Tip of…

  • КОЛУМНА: Аград и Биград – М-р Раде Чоловиќ

    КОЛУМНА: Аград и Биград – М-р Раде Чоловиќ

    Сакам да ви прераскажам една приказна која ја прочитав пред повеќе години во еден учебник по англиски јазик. Во времето кога градовите биле кнежевства си…