Британскиот производител на луксузни автомобили „Rolls-Royce“ со цел да остане дел од светските трендови во индустријата е подготвен да понуди електрично возило, изградено на најновата генерација на моделот „Phntom“. Ова го изјави генералниот директор на компанијата Торстен-Милер Етвос.
Шефот додаде дека најлуксузниот автомобил во светот ќе добие верзија на електрична енергија при менувањето на својата генерација. Новата платформа на која ќе биде изграден следниот „Phntom“ е дизајнирана да овозможи инсталација на електричен мотор и батерии.
Интересно е дека во „Rolls-Royce“ сметаат да пропуштат една фаза – онаа на хибриди и директно да се насочат кон електричните возила. Во британската компанија исто така сметаат дека системите за автономно управување се уште не се соодветни за нивните модели и ќе се насочат кон нив, дури кога тие ќе се докажат како безбедни и сигурни, но и лесни за употреба.
„Сето тоа зависи од напредокот во оваа област. Ние преферираме да почекаме додека системите за автономно движење станат доволно разбирливи за нашите клиенти“, одговори Милер-Етвос на прашање дали „Phantom“ ќе го добие системот за крус-контрол, кој е поставен во последната генерација на „BMW 7“.
Како дополнување топ-менаџерот истакна дека електричните автомобили на „Rolls-Royce“ не се каприц на клиентите, туку задолжителна мерка. Ова се однесува особено за големите градови во Азија, каде властите се подготвуваат да го забранат користењето на автомобили со мотори со внатрешно согорување.
