Буџетскиот дефицит во Обединетото Кралство се намали во септември повеќе отколку што очекуваа економистите, со помош на порастот на приходите од даноците на приход и од ДДВ, објави „Блумберг“.
Дефицитот изнесуваше 5,9 милијарди фунти во однос на 6,6 милијарди фунти од пред една година, според податоците од Државниот завод за статистика. Вредноста е помала од проценетите 6,5 милијарди фунти.
На годишна основа, приходите се зголемија за 3,4%, при што даноците на доход се зголемиле за 3,2%, а за ДДВ-то за 3,6%. Исто така постои и 20 отсто скок во приходите од таксените марки за трансакции со имот.
Дефицитот за првиот фискален семестар (април до септември) изнесуваше 32,5 милијарди фунти, што е повеќе од 7% помалку од истиот период во минатата година.
Податоците доаѓаат пред министерот за финансии, Филип Хамонд, во ноември да го претстави нацрт-буџетот. Со години, мерките на штедење го намалија дефицитот од 10% од БДП-то, од финансиската криза на 2,3% во минатата година. Лондон вети избалансиран буџет до 2025-та година.
Сепак, минатиот месец Канцеларијата за одговорност на буџетот соопшти дека властите значително ги надминале нивните прогнози за продуктивноста на трудот, кои ќе имаат последици за растот и јавните финансии. Регулаторот ќе ги продолжи своите предвидувања веќе следниот месец. Според најновата прогноза, растот на продуктивноста полека ќе се забрза на 1,8% во 2021-ва година.