Ако секое утро тешко се будите, бидејќи сте сонувале за својата совршена вила на плажа, ја имаме вистинската работа за вас…
Магичната, повеќе-милионска вила, сместена во срцето на Малибу е достапна за купување, а го носи називот Villa Sogno. Оваа вила на плажа има пет спални соби и десет бањи, а се наоѓа на само неколку чекори од познатата Зума плажа.
Со својата фантастична конструкција, оваа резиденција е сместена на имот од четири хектари и има површина од околу 1.100 квадратни метри луксузен простор, со неколку префинети делови за седење, со камин, кујна со отворен концепт и бројни други погодности од современиот свет.
Идните сопственици на оваа вила секако дека ќе уживаат во осветлетните спални, прозорците од подот до таванот, декорираните ѕидови, во винскиот подрум, класичното и удобно домашно кино, пространата соба за игри и фитнес собата која содржи се што ви е потребно.
Оваа вила има и грандиозен базен и џакузи када, што секако е шлаг на тортата во оваа понуда. Вашето уживање може веднаш да започне, доколу имате 30 милиони долари за да ја купите.
