Да се создаде заедничка работна група, која ќе ги истражуваат можностите за изградба на меѓусистемска гасна врска меѓу Бугарија и Македонија. Тоа го предложи министерот за енергетика Теменужка Петкова на средба со македонскиот премиер Зоран Заев, кој е во посета на Бугарија, информира Министерството за енергија.
Уште во 2012-та година гасните оператори на двете држави разговарале за идејата за изградба на интерконектор и тогаш „Булгартрансгаз“ дал поддршка за проектот, потсети Петкова. Според неа работата на идниот интерконектор треба да продолжи со информации за физибилити студија и за пазарниот интерес за врската.
Во соопштението се потсетува дека во 2015-та година во Дубровник 15 држави од ЕУ и Енергетската заедница, вклучувајќи ја и Македонија, потпишаа Меморандум за заеднички пристап при диверзификација на гасните испораки.
Страните се согласија да работат на забрзана изградба на исчезнатите гасни врски и за решавање на проблемите кои ја попречуваат безбедноста на снабдувањето и развојот на интегриран и конкурентен пазар на енергија во регионот. Еден од проектите зацртани во планот за акција кон Меморандумот, е изградбата на интерконектор меѓу двете земји.
Петкова го информираше македонскиот премиер за напредокот во изградба на интерконекторите со Србија, Турција и Грција.
Зоран Заев потврди дека еден од главните приоритети на новата влада е енергетиката. Тој информираше за осигуреното финансирање во износ од 2 милијарди евра за гасификација на земјата.
Засега само општина Струмица има гасификација, но Скопје сака барем 63% од греењето на детските градинки и општинските згради да се случува со гас, рече Зоран Заев. Според него Бугарија може да обезбеди експертиза за остварување на таа цел.
Заев исто така потсети, дека во повеќето случаи Македонија се потпира на увоз од Бугарија при недостиг на електрична енергија.
Зоран Заев го потврдил интересот да добиваат сино гориво од бугарската страна, дополнуваат од Министерството за енергетика.
