Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

ALK 7,350.00 1.64%    GRNT 783.48 -3.09%    KJUBI 1,400.00 0%    KMB 2,664.47 -1.21%    MPT 26,344.44 0.14%    MTUR 4,250.00 0.62%    OKTA 2,750.00 8.7%    TEL 271.93 -0.03%    TETE 1,800.00 -7.12%    TNB 13,472.07 -0.21%    TPLF 1,583.40 -1.36%    TRPS 1,500.00 0%    TTK 810.00 0.78%    

Потпишан Меморандум меѓу ФЕИТ и СОСУ „Илинден“ – младите да останат во Македонија

Време: 16:01

Датум: април 20, 2017

Категорија: ЕКОНОМИЈА

Потпишан е меморандум за соработка помеѓу Факултетот за Електротехника и Информациски технологии – ФЕИТ и Средното Општинско Стручно Училиште „Илинден“, со главна цел се поттикне квалитетниот кадар и да се создадат услови за младите да останат во Македонија.

Меморандумот го потпишаа деканот на ФЕИТ, проф. д-р. Димитар Ташковски, директорот на Средното Општинско Стручно Училиште „Илинден“, Зоранче Арсовски и градоначалникот на Општина Илинден, Жика Стојановски.

„Овој меморандум е една почетна точка и за Училиштето, и за Факултетот. Во неколку насоки сакаме да ги подобриме условите за работа и на учениците, и на студентите, преку заеднички проекти, литература, опрема, организирање семинари, натпревари и обуки, и не само за нив, туку и за професорите и наставниците. Нашата идеја е да создадеме што поповолни услови и да ги охрабриме младите да почнат сопствен бизнис, бидејќи тие се полни со квалитетни идеи“, рече деканот на ФЕИТ, проф. д-р. Димитар Ташковски.

Средното училиште „Илинден“ е основано во 2013-та година од Општина Илинден. Има осум паралелки со 256 ученици, од кои 2 паралелки т.е. 63 ученици се матуранти годинава. Наставните програми кои ги нуди училиштето се Електротехничар за компјутерска техника и автоматика и Електротехничар за електроника и телекомуникации.

Директорот на училиштето, Зоранче Арсовски, рече дека е задоволен од досегашното функционирање и условите за работа кои ги нуди училиштето, но смета дека надоградбата на наставниот кадар е исто толку важна.

„Сметам дека надоградбата на наставниот кадар е многу важна. Би било убаво да се разменуваат искуствата со факултетот и да се организираат некои меѓународни натпревари. Ова треба да се прави најмногу поради младите, за постојано да можат да се дообразуваат и усовршуваат. Ние би сакале и да го пробудиме интересот на основците за овие струки бидејќи иднината е во техничките насоки“, изјави директорот Арсовски.

Градоначалникот на Општина Илинден упати апел за поддршка на младиот кадар како наша иднина, во насока на стипендирање на најквалитетните и најсолидни ученици, од страна на компаниите.

„Задржувањето на младите во Македонија треба да почне уште веднаш. Ние како Општина имаме меморандуми со неколку компании кои треба да влезат во производство, и затоа сметам дека ова е одлична можност и за компаниите да ги поддржат квалитетните кадри уште како среднисти, па понатаму преку Факултетот да се затвори кругот на нивното образование кога компаниите би ги преземале како свои вработени. Фирмите би можеле да ги следат младите уште додека учат средно образование, да им овозможат обуки или стипендии додека се на факултет, за на крај да имаат веќе готов квалитетен кадар“, изјави градоначалникот на Општина Илинден, Жика Стојановски.

Со потпишување на овој меморандум се очекува зголемување на квалитетниот кадар во Македонија и поттик за надоградба на истиот преку размена на искуства на наставниот кадар, смислување на заеднички проекти и меѓународни натпревари, но и задржување на младите во државата преку идеи и поддршка за создавање на сопствен бизнис.

КОМЕНТАРИ

НАЈНОВО ОД КАТЕГОРИЈАТА

  • Оваа година Општина Центар нема да троши пари за пречек на Нова година

    Оваа година Општина Центар нема да троши пари за пречек на Нова година

    Општина Центар оваа година нема да троши пари за организирање новогодишна прослава за граѓаните. Градоначалникот Саша Богдановиќ рече дека на скверот „Јадран“, сепак ќе им…

  • Изменет сообраќаен режим во општина Чаир

    Изменет сообраќаен режим во општина Чаир

    Од општина Чаир известуваат дека поради изведување на работи за асфалтирање на ул. „Втора Македонска Бригада“, затворена за сообраќај ќе биде патната зона од кружниот…

  • НБРМ донесе Одлуката за изменување и дополнување на Одлуката за начинот на вршење супервизија и надзор

    НБРМ донесе Одлуката за изменување и дополнување на Одлуката за начинот на вршење супервизија и надзор

    Советот на Народната банка на Република Македонија денес ја одржа својата тринаесетта седница на која ја разгледа и ја донесе Одлуката за изменување и дополнување…

  • Шпанската економија може да плати висока цена ако продолжи кризата во Каталонија

    Шпанската економија може да плати висока цена ако продолжи кризата во Каталонија

    Економијата во Шпанија може да плати висока цена поради барањето за независност од страна на Каталонија, рече „Bloomberg“. Додека премиерот Маријано Рахој интервенираше да го…

  • Ново Лисиче бара подземни контејнери кај градинката „Бубамара“ на булеварот АСНОМ

    Ново Лисиче бара подземни контејнери кај градинката „Бубамара“ на булеварот АСНОМ

    Жители на Ново Лисиче во Скопје барат контејнерите на булеварот АСНОМ во близина на градинката „Бубамара“ да бидат подземни. Сега тие се над земја и…

  • Денови на италијанска кујна со светски познатата готвачка Катерина Чераудо

    Денови на италијанска кујна со светски познатата готвачка Катерина Чераудо

    Израсната на семејната фарма со традиција од 16-тиот век, опкружена со винови насади и маслинови градини, дипломиран енолог на Универзитетот во Пиза и искуство во…

  • Во Скопје не се дише

    Во Скопје не се дише

    Синоќа во Скопје загадувањето беше на многу високо ниво. Мерните станици покажуваат дека концентрација на ПМ 10 честичките во текот на ноќта биле високо над дозволеното.…

  • Започна големата акција за чистење на Скопје

    Започна големата акција за чистење на Скопје

    Со цел да се намали загаденоста во главниот град, градските власти од општина Бутел ја почнаа големата акција за чистење на улиците, која ќе се…

  • ФЕД сигнализираше за зголемување на каматните стапки во декември

    ФЕД сигнализираше за зголемување на каматните стапки во декември

    Американските федерални резерви се подготвува да ја укинат основната камата во САД во декември и покрај се уште постоечката дебата за тоа меѓу редовите на…

  • Земјите од ЕУ се поделија на две – со високи и со ниски плати

    Земјите од ЕУ се поделија на две – со високи и со ниски плати

    Економскиот раст, веќе забележан во сите земји на ЕУ, е проследен со постојано подобрување на пазарот на труд и социјалната состојба, а вработувањето достигна рекордно…