Општина Кисела Вода во четврток додели 51 решение за легализација на дивоизградени објекти. Со тоа, од досега поднесените 13.855 барања, бројот на легализирани бесправно изградени објекти се искачи на 5.387.
Бројот на поднесени барања без геодетски елаборат, во овој момент, изнесува 3.410. Исто така, изготвени се уште 243 урбанистички согласности, од кои, за 186 се чека уплата на надоместокот, за постапката за изготвување на Решенијата за легализација на објектите да може да се продолжи.
„Oпштина Кисела Вода ќе продолжи да работи со несмалена динамика на заокружувањето на процесот на легализација и ги повикува сите граѓани кои ја немаат докомплетирано документацијата што поскоро да ја достават до административните служби“, порачува локалната власт.
