Економијата на Кина може и да отстапи назад во светската листа на грижи, но сепак остануваат значителни ризици, меѓу кои е наглото преминување на кредитниот бум и премногу агресивна реакција на владата, ако инфлацијата треба да се забрза, коментира „Bloomberg“, повикувајќи се на анализа на „Goldman Sachs Group Inc“.
Економистите предупредуваат дека напорите за совладување на евтини кредити ќе имаат огромна улога врз клучните сектори, како домувањето. Властите се обидуваат да стават „врв“ на цените на куќите, без да и наштетат на економијата како целина, во која растот останува силно зависен од државните трошоци.
На скалата на уживањето во кредитирањето стана јасно во средината на месецот, кога нови податоци покажаа дека големината на кредитите во Кина ја надминала големината на производството на Шведска и Полска, зголемувајќи ги новите стравувања.
Агрегатното финансирање, пошироката мерка на доделените нови кредити, достигна рекордни 3,74 илјади милијарди јуани (545 милијарди долари). Сепак вкупниот износ на кредитите продолжува умерено да се намалува, покажуваат податоците на „Bloomberg Intelligence“.
Политичарите почнаа да ги затегнуваат пазарните каматни стапки и аналитичарите очекуваат мерките за намалување на кредитирањето да продолжат без „задушување“ на економијата како целина.
Но економските закани не се само внатре во Кина. Надворешните ризици вклучуваат драстичен пад на извозот како резултат на забавување на побарувачката или зголемување на трговските бариери.
„Како најголем ризик го гледаме справувањето со растечките кредитни дебаланси, неправилната политика и акутниот надворешен шок, како наглото затегнување на кредитните услови и „тврдо“ приземјување за растот“, објасни економистот Ендрју Тилтон.
Според експертите забавувањето на кинеската економија ќе има несакани последици за цела Азија, особено во помалите отворени економии кои се потпираат главно на трговијата. Комбинацијата од забавување на кинескиот економски раст и флуктуации на финансиските пазари исто така ќе се пренесат како проблем во целиот свет, туркајки го доларот нагоре и натежавајќи врз цените на акциите.
„Отворените азиски економии, особено на оние кои се потпираат на извозот и/или високата задолженост, остануваат најранливите при „тврдо“ приземјување во Кина“, предупредуваат експертите.
И покрај сè треба да се знае дека Кина има амортизери, за да го компензира секој шок, вклучувајќи голем вишок на тековната сметка, стабилната меѓународна инвестициска позиција, нискиот надворешен долг и уште значителните девизни резерви, забележуваат економистите.
