Задолженоста на американските домаќинства достигна вкупен износ од 12,5 илјади милијарди долари – ниво невидено од 2008-ма година па наваму, се наведува во извештајот на „New York Federal Reserve“, цитиран од „CNBC“.
Во четвртиот квартал од минатата 2016-та година долгот на американските домаќинства се зголеми за 226 милијарди долари. Ова е најголемото месечно зголемување од 2013-та година па наваму.
Скокот на задолженоста се должи поради зголемување на бројот на заеми за нов дом и автомобил. Студентски кредити исто така имаат удел во објавениот раст.
И покрај загрижувачките податоци нема докази дека домаќинствата ќе искусат тешкотии со отплатата на кредитите. Според податоците на „New York Fed“ бројот на запленувања и банкротирањата меѓу домаќинствата во земјата достигна 18-годишен минимум.
2008-ма година се поврза со светската финансиска криза која го зафати целиот свет. Една од причините тогаш беше токму огромниот број необезбедени станбени кредити во САД.