Хуманитарната акција на Општина Аеродром во основните училишта на нејзина територија за собирање хуманитарна помош за настраданите од поплавените подрачја ќе трае до недела, за што се апелира до граѓаните да продолжат со донации, од кои во моментов најпотребна е вода за пиење и храна.
Инаку, аеродромци и досега ја покажаа својата хуманост, донирајќи над 10 комбиња хуманитарна помош од почетокот на акцијата, која потоа се носи во централниот пункт во Скопје, поточно во основното училиште „Наум Наумовски Борче“ и понатаму се дистрибуира до поплавените семејства.
Училиштата се отворени од 8 до 22 часот секој ден.
