Како резултат на тензиите меѓу Америка и Кина, на Huawei му беше забранет пристап до Google Play Store и нивните апликации. Во меѓувреме, се шпекулираше дека компанијата се обидува да најде алтернатива и нова продавница за апликации. И други кинески производители се свесни ако утре и на нив нешто слично им се случи…
Последната вест е дека Huawei се здружува со компаниите Xiaomi, Oppo и Vivo во партнерство за да им олесни на програмерите на апликации да ги поставуваат своите апликации во продавници за апликации на овие компании.
Она што е важно да се потенцира за да не дојде до недоразбирање дека овие четири компании прават една, своја продавница за апликации, туку се обидуваат на програмерите надвор од Кина да им го олеснат пристапот и поставување на сите нивни продавници за апликации. Како и Google Play, нема да бидат само апликации и игри туку и музика, филмови и многу повеќе.
Според првичните информации, ќе се воспостави единствен механизам за поставување апликации и други содржини во продавниците на сите производители, за почеток. Се разбира, за сите договори и ефекти повеќе ќе се знае во догледно време.
