Амбициите на „Ford“ да стане лидер во електрификацијата моментално паѓаат: за првиот квартал од годината, компанијата загуби шокантни 130.000 долари за секој продаден електричен модел.
Компанијата во последните месеци беше принудена драстично да ги намали цените на своите електрични модели.
Воведувањето на одделот за електрични автомобили, наречен „Model e“, е во целосна спротивност со другите поделби на „Ford“. Најдобро оди бизнисот на „Ford“ за пикапи и камиони, кој заработи 3 милијарди долари во првиот квартал. Добро оди и „Ford Blue“, кој продава патнички автомобили со мотор со внатрешно согорување. Наспроти ова, електричниот оддел забележа загуба од 1,3 милијарди долари за првиот квартал. Менаџерите на дивизијата го обвинуваат ова за „ценовниот притисок“ на овој сегмент од пазарот.
Ако ги поделиме финансиските резултати со бројот на продадени автомобили, излегува дека „Ford Pro“ заработува 7.300 долари од секоја продадена единица, „Ford Blue“ заработува 1.400 долари по автомобил, а „Model e“ губи… 130.000 долари за секој од 10 или па илјадници продадени електрични автомобили. И тоа е пред да се додадат каматите и даночните трошоци.
Продажбата на електричните модели на „Ford“ е намалена за само 20% на годишно ниво, но нивниот приход е намален за 84%
Згора на тоа, електричните модели на брендот забележаа пад на бруто приходот од 84% во истиот период во 2023-та година, иако продажбата беше намалена за само 20%. Ова е очекуван ефект од засилената конкуренција и ценовна војна на овој пазарен сегмент, што го принуди „Ford“ сериозно да ги намали цените. Лошата вест е дека во 2024-та година конкуренцијата само ќе се интензивира, забележува „C&D“ во коментар на оваа тема.
