Британскиот весник „Independent“ соопшти дека забележал профит, за прв пат за повеќе од 20 години, откако престана да го објавува печатеното издание и премина исклучиво на онлајн верзијата.
Весникот наклонет на левата опција го објави последното печатено издание во март, во ситуација додека британскиот печат го потресе падот на приходите од рекламите, пренесува АФП.
Весникот, кој го покренаа три поранешни новинари во 1986 година, по одлуката за премин исклучиво на веб издание започна да бележи и раст на бројот на читатели, така тој во август имал 74,3 милиони корисници, што е за 18 проценти повеќе отколку во март оваа година.
