Кинескиот производител на паметни телефони „Xiaomi“ денес претстави нов фаблет „Redmi Note 3“ во Кина.
Тој се одликува со метално куќиште, сензор за отпечатоци и моќна батерија од 4.000 mAh. Телото на уредот е целосно од алуминиум, како и со димензии од 8.65 мм во најдебелиот дел. Неговата тежина е 164 грама, или за 4 грама повеќе во споредба со втората генерација на моделот.
На задната страна на уредот е лоциран сензор за отпечатоци на кој, според производителот, му се потребни само 0,3 секунди за препознавање и отклучување.
Во однос на останатите технички карактеристики, смартфонот се одликува со 5,5-инчен екран со резолуција 1.080 пиксели и процесор „MediaTek Helio X10“. Моделот ќе се нуди во две варијанти – со 2GB RAM меморија и 16 GB внатрешна меморија, како и со 3 GB RAM меморија и 32 GB внатрешна.
Задната камера е 13-мегапикселна со авто фокус и „LED“-блиц. Цената на уредот е 140 долари за верзијата со 16 GB и 172 долари моделот со 32 GB внатрешна меморија. Фаблетот е достапен во четири бои – сребрена, златна, бела и сива.
