Гувернерот на Централната банка на Албанија, Адриан Фулани изјави дека Надзорниот одбор врз основа на анализата на економските показатели во земјата, одлучил да го задржи сегашното ниво на основната каматна стапка, кое изнесува 3,75 отсто.
– Постојат соодветни услови за да ја задржиме непроменета основната каматна стапка и на тој начин да ги поттикнеме банкарските операции во земјата, рече Фулани.
Тој додаде дека инфлацијата се намалила на 2,5 отсто во споредба со претходниот месец.
Надзорниот одбор одобрил пакет мерки за стимулирање на кредитирањето.