Клубот на компании со пазарна оценка од над 300 милијарди долари наскоро може да има нов член.
Растот на цената на акциите на „Facebook“ во изминатата година, како и очекуваните резултати на компанијата за третиот квартал, може да и дадат „покана“ на социјалната мрежа за влез во клубот.
Во него засега се само „Apple“ со пазарна оценка од 675.62 милијарди долари, „Alphabet“ со капитализација од 495.9 милијарди долари и „Microsoft“ со 425.28 милијарди долари. Денес пазарната капитализација на „Facebook“ е 291.08 милијарди долари.
Од почетокот на годината инвеститорите во социјалната мрежа ги зголемија вложувањата за повеќе од 30%.
Аналитичарите очекуваат „Facebook“ да објави 4.4 милијарди долари приходи и 52 центи профит за третиот квартал на 2015-та година.
