Кога зборуваме за производство на квалитетен и луксузен шампањ, меѓу првите компании кои ни паѓаат на ум е „Perrier-Jouet“, еден од најстарите брендови во светот. Оваа компанија неодамна прослави 200 години соработка со „Bi-Centenaire Champagne“.
Во таа прилика, на јавноста и го претстави својот најнов производ „The Encanting tree“ кој ќе биде вистинско доживување за познавачите со подолг џеб. „Perrier-Jouet“ одлучи првите пролетни денови да ги разубави со едно елегантно пакување на шампањ за чиј дизајн е заслужен холандскиот дизајнер Торд Бонтје.
Оваа компанија своето уметничко дело го покажа во соработка со глумци и пејачи кои настапуваа при првата дегустација на овој лускузен напиток.
Шампањот ја имаше својата премиера на 22 март оваа година во „Saatchi“ галеријата која се наоѓа во Лондон. Во таа прилика, уметникот Торд Бонтје го редизајнираше целиот простор во галеријата, со цел галеријата со својот изглед да ја презентира магичната пролет.
Гостите уживаа во квалитетна храна и секако во најновото ремек дело – „The Encanting tree“. Овој шампањ ќе добие место во колекцијата на „Perrier Jouet“, во која се наоѓаат околу 200 најквалитетни пакувања.
Дизајнот на ова луксузно пакување е во облик на пролетно дрво кое цвета и се раззеленува, а секоја од 6-те гранки, чиј цвет претставува по една чаша од овој луксузен пијалок, е направена од чисто злато.