Европскиот авиo-транспортен гигант „Lufthansa“ во септември забележа пад на бројот на патници од 0,3 проценти на годишно ниво, што е последица од минатомесечниот штрајк на вработените.
Групацијата која е обединета од компаниите „Lufthansa“, „Germanwings“, „Swiss“ и „Austrian Airlines“ во септември превезла 10,2 милиони патници, што е за 0,3 проценти помалку отколку во септември 2014 година, се наведува во соопштението, пренесува агенцијата АФП.
Стапката на пополнетост на капацитетите исто така е намалена за 0,7 проценти, на 83,7 проценти, додека бројот на летови е намален за 0,6 проценти на годишно ниво.
„На деловните активности на групацијата „Lufthansa“ негативно се одрази штрајкот на пилотите на почетокот на септември“, се вели во соопштението на компанијата.