Според истражувањето на „Innovation Cities Global Index“, кое австралиската агенција за иновација „2thinknow“ го изведе во 445 светски градови, мерејќи го нивниот потенцијал за иновативни решенија, Виена го освои третото место, веднаш зад Бостон и Њујорк, и според ова истражување таа го завзема првото место во Европа.
Виена ги подобри своите резултати во споредба со 2011 година и на листата се искачи за две места погоре.
Помеѓу десетте најдобри се и Сан Франциско, Париз, Минхен, Лондон, Копенхаген, Амстердам и Сиетл.
Аналитичарите кои работеа на ова истражување, на Виена и доделија предикат „Nexus City“, кој е резервиран за 35 најиновативни градови.
„Innovation Cities Global Index“ се објавува секоја година, а на овој начин вработените на менаџерските позиции и експертите имаат преглед кои градови во светот ги пронашле најиновативните решенија за многубројните аспекти на урбаното живеење.
Системот на оценување содржи актуелни податоци за 1.540 градови, од кои 445 се вклучени во истражувањето.
Во оценувањето на 31 иновативни области, агенцијата прегледува 162 индикатори.
Во актуелниот извештај, сите индикатори се обединети во три фактори: културни средства – човечка инфраструктура која вклучува мобилност, образование и технологија, како и поврзаност на пазарот.
