Од четврток до сабота, во Кино „Мис Стон“ во Прилеп традиционалнао ќе се одржи Фестивалот на новиот германски филм.
Отворањето на 11 издание на фестивалот е во четврток, во 19.30 часот, а ќе присуствува и германската амбасадорка, Кристине Д. Алтхаузер.
Фестивалот на новиот германски филм има посебно место не само во прилепскиот, туку и во македонскиот културен живот и претставува доживување за сите љубители на германскиот јазик.
И годинава фестивалот понудува најнови германски продукции, со што ќе се прикаже разноликоста на германската кинематографија. На програмата се филмови од најразличен жанр. Тие го опфаќаат времето на Шилер и Гете, па се до денешницата, каде што се појаснуваат предизвиците на мултикултурното општество. Не е изоставен ниту начинот на справување со сопствената минливост. Се разбира оставен е простор и за најмладите.
Филмови што ќе се прикажуваат во кино „Мис Стон“ – четврток 8. Октомври во 19.30 часот – „Роден во болка“, режија Флориан Шварц ( криминалистички филм), петок 9. Октомври во 18 часот – „Феникс“, режија Кристиан Пецолд, (драма) во 20 часот – „Хакери“, режија Баран бо Одар, (трилер).
Во сабота, на програмата се три филма и тоа од 16 часот – „Лола на грашокот“ режија Томас Хајнеман, ( филм за деца), во 18 часот – „Спасете го Рафи“, режија Аренд Агте, (филм за деца) и во 20 часот – „300 збора германски“, режија Зили Аладаг, (комедија).