Младиот кошаркар на Шарлот Хорнетс, Мајкл Кид-Гилкрист (22), шест месеци ќе отсуствува од терените поради повреда на рамото.
Крилниот играч на тимот чиј сопственик е Мајкл Џордан го повреди рамото во саботата на претсезонскиот натпревар со Орландо Меџик.
Повредата бара хируршка интервенција поради што Кид-Гилкрист на рехабилитација ќе биде во наредните шест месеци.
Вториот пик на драфтот во 2012-та година минатата сезона во НБА лигата имаше учинок од 10,9 поени и 7,6 скокови по натпревар.
