Трошоците за задолжување на Италија во понеделникот пораснале поради политичката неизвесност на аукцијата за обврзници на која Рим успеа да собере 3,8 милијарди евра.
Италија со продажбата на трезорските записи со рок на доспевање од 12 месеци, собрала 2,8 милијарди евра, со каматна стапка од 1,75 проценти. На минатата слична аукција, одржана претходниот месец, каматната стапка изнесувала 1,68 проценти.
Додатни 990 милиони евра се собрани со продажба на 15-годишни и 5-годишни обврзници. Иако побарувачката била силна, повеќе од двојна во однос на понудениот износ за долгорочни обврзници, Рим не собрал колку што можел поради повисоките каматни стапки.
Централно-левичарскиот лидер Пиер Луиџи Берсани одржа консултации околу формирање на новата влада, после минатомесечните парламентарни избори кои завршија без јасен победник. Се очекува резултатите од консултациите да бидат објавени во наредните денови.
