Како што се претпоставуваше францускиот автомобилист Роман Грожан во наредната сезона, во Формула 1, ќе вози за новоформираниот тим на американскиот милијардер Џин Хас.
Шпекулациите се појавија пред три недели, а денеска пристигна официјална потврда од двете страни.
„Неможев да ја чекам разврската во случајот со Рено и Лотус. Добив добра понуда и мислам дека ова е чекор напред во мојата кариера. Она што Џин го направи во Инди кар и НАСКАР серијата доволно зборува за него“, рекол Грожан.
Во овој момент не е познато кој ќе го замени Грожан во Лотус, ниту пак кој ќе биде вториот возач на новоформираниот тим.