Во медиумите процурија слики од претстојниот ЗТЕ Гранд Х паметен телефон, како и некои од спецификациите за овој уред. Меѓутоа беше објавено дека овој модел веќе се продава во Кина и тоа по цена од 270 долари, но ЗТЕ овој паметен телефон не го претстави официјално. Се очекува Гранд Х да го завземе местото, веднаш зад водечкиот модел на компанијата Градн С, а ќе го карактеризира 5 инчен ТФТ екран со 720 пиксели.
Од хардверските карактеристики можеме да ги издвоиме МедиаТек МТ6589 1.2 ГХз процесор, 1 ГБ РАМ, камера од 8 мегапиксели, како и батерија од 2500мАх. Новиот модел на ЗТЕ ќе биде тежок 163 грама и ќе има димензии од 141х70х8.9мм, а засега не е познато дали ќе биде достапен на светскиот пазар и по која цена.
