Минатата година во Македонија се намалил бројот на лица кои се стекнале со звање доктор на наука за 25,9 отсто.
Според објавените податоци на Државниот завод за статистика во 2012 година звање доктор на науки стекнале 146 лица. Најголем број од лицата докторирале во областа на општествените науки 54,1 отсто, медицинските науки 18,5 отсто, потоа следат техничко – технолошките со 13 отсто, а останатите лица докторирале во областа на природно – математичките, хуманистичките науки и биотехничките науки.
Учеството на жените кои одбраниле докторска дисертација во текот на 2012 година изнесува 71 кандидат што претставува 48,6 отсто од вкупниот број лица кои докторирале во 2012 година.
Од вкупниот број докторирани лица, најголем процент 37,7 отсто својата професија ја вршат во образовната дејност.
