Сместена во Австралија, оваа неверојатно луксузна резиденција има шест спални соби и бањи и многу интересен дизајн…
Изградена е на приватен имот кој има 29,52 хектари, и го носи називот Alkira а воедно претставува дело на наградуваниот архитект Чарлс Рајт. Минатата година оваа вила беше победник на натпреварот Architecture Award.
Таа е целосно самоодржлива, има свој извор на вода и струја, како и канализација.
Сместена е многу блиску до приватната и сокриена плажа, а претставува екстравагантна мешавина на убавина и функционалност. Идеална е за локалните климатски услови, а има и голема дневна соба, која ги поврзува петте спални соби со приватни бањи, од кои секоја има свое крило, кое елегантно лебди над езерото.
На овој имот постојат сосема доволно места за шетање, а моменталните сопственици сакаат да ја продадат за цена од 15 милиони долари. Оваа цена не не шокираше, со оглед на сите погодности кои ги нуди оваа вила. Уверете се и сами….
