Русија не е задоволна од преговорите за визниот режим со ЕУ, истакнува премиерот Медведев.
Рускиот премиер Дмитриј Медведев изјави дека визниот режим помеѓу Русија и Eвропската унија ги органичува претприемачките активности како и научните и културните контакти и дека укинувањето на визите ќе ја реши оваа ситација.
„За жал, ние не можеме да го решиме визниот проблем, а тој е еден од главните проблеми за развојот на човечкиот капитал, тој ги ограничува претприемачките активности и врските меѓу луѓето“, изјави Медведев.
„Досега не постојат конечни резултати. Има напредок, но ние не сме задоволни, на овој начин страдаат и економиите на земјите“, изјави тој додавајќи дека треба да се движиме напред и да ги совладаме потешкотиите.
