„Apple“ не е единствената компанија која произведува мобилни телефони, а истовремено сака на пазарот да пласира и паметни часовници.
Во своето интервју за „Bloomberg“, потпретседателот на „Samsung“ потврдил дека шпекулациите се точни и дека компанијата изработува „wristwatch“, потенцирајќи дека тие веќе подолго време се посветени на овој проект и дека работат напорно за да го пласираат на пазарот.
И додека часовникот кој најверојатно ќе се нарекува „Galaxy Altius“ беше само гласина досега, ова е првата потврда од некој од компанијата, но повеќе детали околу овој часовник не беа објавени.
„Samsung“ уште од порано се обидуваше да си ја проба среќата со слични уреди, но без поголем успех.
