„Sony“ претстави два нови телефони – „Xperia SP“ и „Xperia L“ со кои оваа компанија ќе ја прошири својата понуда на паметни телефони која ја предводи моделот „Xperia Z“, кој беше пуштен во продажба во јануари.
Јапонскиот производител моментално е на четвртото место по продажба на паметни телефони во светот и завзема 4.5 проценти од пазарот. „Sony“ очајно сака да се искачи на третото место и да биде веднаш зад „Apple“ и „Samsung“, па поради тоа ги нуди овие ефтини модели.
„Xperia SP“ затоа се рекламира како уред од средна класа. Тој има 4.6 инчен „HD Reality Display“ екран кој настана од инжинерите кои го направија „BRAVIA® TV“. Најновиот „Mobile BRAVIA® Engine 2“ дава подобро доживување при гледањето. Има и прецизно обликувано алуминиумско куќиште и со уникатен дизјан, а иновација е и „транспарентниот елемент“ кој менува бои.
Клучни карактеристики на „Xperia SP“:
Прецизно изработена и обликувна алуминиумска рамка.
Супер-сјајен 4.6-инчи 720p HD Reality Display со Mobile BRAVIA® Engine 2.
One-touch функција со NFC технологија за гледање на содржини на ТВ или пренос на музика и фотографии од еден на друг уред.
4G LTE за супер брза забава и пребарувања.
Единствен транспарентен елемент кој ги менува боите при нови повици или пораки, но и подесувачко светло кое пулсира со ритамот на музиката.
8 MP камера со опција за брзо фотографирање со Exmor RS for mobile сензор, HDR и Superior Auto прави најдобри фотографии, дури и навечер или во услови на сило позадинско светло.
Батерија STAMINA Mode за оптимално траење на батеријата.
Достапен е во бела, црвена и црна варијанта.
„Xperia L“ има 4.3 инчен FWVGA екран, камера со 8 мегапиксели и Exmor RS for mobile технологија со сензори за живи бои и јасен приказ. HDR (High Dynamic Range) осигурува снимањето на фотографиите и видео-записите да бидат јасни и остри, а наменската типка ја активира камерата за нешто помалку од една секунда.
Продажбата во Велика Британија веќе започна, но не се објавени датумите за САД, ниту пак за останатите земји.
