Кога зборуваме за далечни и егзотични дестинации, први кои ни паѓаат на памет се обично Бали, Малдиви, Кариби… Но, и Маурициус е подеднакво интересна дестинација…
Овој остров е одалечена само 900 километри од Мадагаскар во Индискиот Океан, а по големина е 168-ма во светот. Со површина од само 1.860 километри квадратни и нешто повеќе од милион жители, спаѓа меѓу најмалите држави на светот.
Островот го откриле Португалци во1505 година, но тој останал ненаселен до колонизацијата на Холанѓани кои го населиле во 1638 година, давајќи му го името по принцот Маурицио од Насау. Островот во 1810 година доаѓа под управа на Британци, а независноста ја добива во1968 година, кога станува Република. Интересен факт е тоа што Маурициус е една од најразвиените држави на Африка.
Маурицискиот архипелаг е создаден благодарение на низа вулкански ерупции пред околу 10 милиони години. Денес, овде повеќе нема вулкански активности. Климата на островот е тропска, зимите се топли и суви, а летата влажни и врели. Летно време, островот често го погодуваат циклони.
Главниот и најголем град е Порт Луис, кој се наоѓа на северозапад. Официјални јазици се француски и англиски, но сепак, вкупно се зборуваат шест јазици, од кои најзастапен е тамилскиот кој го зборуваат дури 800.000 луѓе.
Маурициус во светот е познат уште по некои занимливости. Една од нив е и птицата Додо. Исто така, Маурициус е петта држава на светот која добила поштенска марка.
Накратко, сино море, ретки животински видови, палми и песочни плажи – се само дел од убавините кои ве очекуваат на ова прекрасно место.