Американскиот производител на стока за широка потрошувачка „Procter & Gamble – P&G“ и производителот на парфеми и козметика „Coty“, потпишаа договор вреден 12,5 милијарди долари за спојување на 43 брендови на парфеми и козметички производи на P&G и Coty.
Најзначајната трансакција склученa во секторот за козметика во последните десет години ќе и овозможи на компанијата „Coty“ да стане еден од главните актери во оваа област на светските пазари, пренесува АФП.
„P&G“ истовремeно најави дека има намера да дистрибуира дивиденда како и да продаде акции во вредност од 70 милијарди долари во наредните четири години.