Со локација на прекрасниот рајски остров Мауи, „Montage Kapalua Bay“ е одлична дестинација за одмор, за сите љубители на голфот и оние кои уживаат во патувањата…
Ова одморалиште се наоѓа на имот од 24 хектари и има поглед на живописниот залив Капалуа, а ги нуди сите најдобри погодности на Мауи и сите негови сакани аспекти.
Неодамна реновиран и преименуван, „Montage Kapalua Bay“ е совршен хотел во кој ќе имате можност да ги вкусите сите удобности на домот, како и сите луксузни погодности на престижното летувалиште.
Покрај 50-те сјајно опремени и елегантни апартмани, ова одморалиште нуди повеќе од доволно опции за јадење, без оглед дали сте љубител на морски плодови во амбиент со совршен поглед на морето, или едноставно сакате совршен коктел и нешто лесно за јадење.
Меѓу најдобрите елеметни на овој хотел се двата наградувани голф терени на Хаваите. Тука е и модерната „Kapalua Golf“ академија, што го прави ова место најдобрата голферска дестинација во пацифичкиот појас.
