Сите ние сме веќе запознаени со спецификациите: 5-инчен екран со 441 пиксели по инч, 1080p дисплеј, quad-core 1.9GHz процесор и камера од 13 мегапиксли. Точка по точка, следната генерација на „Samsung“, „Galaxy S4“ го победува „iPhone“. Сепак, неколку дена по објавувањето, „Apple“ постави на својата веб страница зошто нивниот телефон е подобар од конкуренцијата.
„Постои „iPhone“ и постојат сите други“, првото нешто што ќе го видите на нивната страница. По ова следат причините зошто „iPhone“ е „единствен“:
– „iPhone“ има 8 последователни награди за задоволството на клиентите дадени од страна на „JD Power and Associates“.
– „iPhone“ и другите производи на „Apple“ поседуваат „Retina“ екран.
– „iPhone“ има импресивна батерија која обезбедува осум часа на време за разговор, а и натаму има тенок и лесен дизајн.
– „iPhone“ има ултрабрзи „WiFi“ и „LTE“.
– Само „iPhone“ и другите производи на „Apple“ имаат пристап до „iTunes Store“ и „App Store“, кои нудат над 800.000 апликации.
– Само на „iPhone“ има „Siri“, личниот интелегентен асистент.
Дали според вашето мислење овие причини се доволно добри за да сметате дека „iPhone“ е навистина најдобар?
