Украсена со Сваровски кристали, оваа јакна веќе привлече огромно внимание…
„Alexander McQueen“ е бренд кој е познат по своите ексцентрични дизајни, „McQueen“ обично ги спојува работите кои ниту еден друг не би ги комбинирал.
Во 2012 година „McQueen“ го промени изразот на модата, а неговите аксесоари беа најупотребувани во сезоната.
Оваа црна јакна е само уште едно креативно парче од серијата на креативни дела кои модната куќа ги претстави. Таа потсетува на украсената јакна која ја поседуваше познатиот Мајкл Џексон. Деталите ја издвојуваат оваа јакна од останатите примероци, силуетата која ја создаваат рамената и струкираната половина ќе прилегаат на секого.
Рамената и делот околу вратот се украсени со разнобојни Сваровски кристали кои совршено се вклопуваат во ваквата комбинација.
Јакната е црна и во потполност е поставена од внатрешната страна. Оваа луксузна „Alexander McQueen Swarovski Studded“ јакна дефинитивно ќе ги засени останатите примероци, а нејзината цена изнесува 15,475 американски долари.