„Hotel Corinthia“ е лоциран во Лондон и претставува современ дворец во центарот на градот.
Отворен е 2011 година и познат е по големиот број на луксузни апартмани и пентхауси дизајнирани со многу стил и елеганција. Класичната британска естетика и богато наследство на самата зграда, идеално се спојуваат со овој хотел, кој се наоѓа во близина на значајни знаменитости во Лондон.
Хотелот кој веќе има 5 ѕвездички и понатаму руши рекорди. Од терасите на овој хотел се открива простран видик на реката Темза и целиот град.
Просторот во секој од апартманите е поделен на два ката, со прекрасни спирални скалила кои ги спојуваат. На едниот кат се наоѓа соба со камин, спална соба со сопствена бања и гардероба, сопствен бар, кујна, гостинска соба, велнес соба, тераса со удобен мебел и уште една спална соба.
Овој хотел има и специјален лифт кој ги води гостите директно во собата. Предворјето е кружно и целосно изработено од мермер, а ѕидовите се украсени со огледала. Подовите во собите се направени од дабово дрво и се прекриени со меки теписи. Не се изоставени ни деталите во форма на цветови, бои и прекрасни постелнини кои оддаваат впечаток на дом и топлина.
Благодарение на панорамските прозорци, во апартманите има постојано природна светлост, која паѓа на рачно изработениот мебел.
Во сите простории висат грандиозни лустери, а телевизорите се направени така што кога не работат претставуваат огледала. Креветите се со удобност на кралска постела.
