Бруто домашниот производ во последниот квартал од 2012 година забележа раст од 0,2 проценти, објави денеска Државниот завод за статистика.
Во четвртото тримесечје од 2012 најголем пораст е забележан во секторите Градежништво од 10,6 отсто и Хотели и ресторани од 5,2 отсто.
Финалната потрошувачка на домаќинствата, вклучувајќи ги непрофитните институции кои им служат на домаќинствата, во однос на истиот период од 2011 година, номинално расте за 1,2 отсто, а нејзиното учество во струкурата на бруто-домашниот производ изнесува 70,7 отсто.
Извозот на стоки и на услуги забележа намалување во номинален износ од 0,5 отсто, а увозот на стоки и услуги номинално порасна за 6 проценти.
