Јапонска компанија произведе четкичка за заби со која може да се измиете без да употребувате паста.
Јапонците произведоа четка за заби на која не и треба паста (видео)
Четката со нанотехнологиј ја разви и произведе јапонската компанија „Yumeshokunin“, а ја дизајнираше Кошо Уешима. Таа користи минијатурни минерални јони, кои ги чистат забите наместо стандардната паста.
Јоните се активираат кога четката се става во вода, а потоа може да се мијат забите. Токму јоните се тие што ги чистат забите, ги отстрануваат остатоците од храна и ја чистат глеѓта.
Четката е наречена „Мисока“, што на јапонски значи последниот ден во месецот. Имено, четката треба да се фрли по еден месец.
Редизајнирана верзија на „Мисока“ е направена за Европа, по успехот што го постигна во Јапонија, кога беше продадена во два милиона примероци.
„Дури и без паста може да ги измиете своите заби по што ќе бидат чисти и сјајни како штотуку да сте ги исчистиле кај стоматолог“, се вели во кампањата.
Четката Мисока ќе биде претставена на Salone del Mobile во Милано, следната недела.