На листата со најмногу милијардери во однос на бројот на жители, која ја состави веб сајтот „Слејт“ на прво место се наоѓа Кралството Монако.
Втора е државата на Карибите Сент Китс и Невис, а трета е Гернзи, британски кралски имот меѓу брегот на Франција и Велика Британија во Ла Манш.
Во Монако живеат тројца милијардери, но со оглед на тоа дека кралството брои вкупно 35.427 жители, сосема е доволно за да се најде на првото место на листата.
Во Сент Китс и Невис, која е на второто место има вкупно 53.000 жители и еден милијардер, исто како и Гернзи, која има 65.570 жители и еден милијардер.
На четврто место е Хонг Конг со 39 милијардери и над седум милиони жители.
На петтото место е Белизе, мала средноамериканска држава на брегот на Карипското Море која се граничи со Мексико на север и Гватемала на запад и југ, со 356.000 жители и еден милијардер.
Потоа следи Кипар со 1,1 милион жители и тројца милијардери. На седмото место е Израел со 7,8 милиони жители и 17 милијардери.
Осмо место е Сингапур во кој живеат десет милијардери.
Кувајт е на деветото место со 2,8 милиони жители и пет милијардери, а на десетто место е Швајцарија со 7,9 милиони жители и 13 милијардери.
Во повеќето случаи, станува збор за мини-држави кој важат за фикален рај.
